Val í Sýria innan fýra ár

Tað kunnu gang fýra ár, áðrenn val verður hildið í Sýria, sigur Ahmed al-Sharaa, nýggi leiðarin í landinum.

Hetta er fyrstu ferð, at hann gevur eitt boð uppá, nær val kann verða hildið í landinum, eftir at stýrið hjá Bashar al-Assad forseti varð koyrt frá fyrr í hesum mánaðinum, skrivar Ritzau.

Ahmed al-Sharaa sigur eisini, at tað kann taka trý ár at gera eina nýggja stjórnarskipan í Sýria, og fólkið skal fyrireika seg til, at tað kann ganga eitt ár, áðrenn stórar broytingar síggjast í landinum.

Ahmed al-Sharaa er leiðari fyri Hayay Tahrir al-Sham-rørsluna, sum tók valdið í landinum fyrr í hesum mánaðinum.