Í dag skulu ES-borgarar á val

Í dag er val í flestu ES-londum, har 751 limir skulu veljast til ES-tingið.

Bretland og Holland fóru á val 23., meðan írar fóru á val 24., og Slovakia, Lettland og Malta fóru á val í gjár. Men tey flestu ES-londini skulu velja í dag. Tá øll londini hava atkvøtt, verða øll úrslitini almannakunngjørd.

Hóast bretar vilja úr ES, vórðu tey kortini noydd at skipa fyri vali, av tí at eingin skilnaðaravtala er góðkend enn.

Skipað verður fyri ES-vali 5. hvørt ár, og er hetta 9. ferð, at skipað verður fyri beinleiðis vali av ES-tinglimum. Fyrstu ferð var í 1979.

Seinast ES-val var í 2014, var valluttøkan metlág - 42 prosent í miðal fyri alt ES, skrivar Kringvarpið.

ES-tingið er einasta fólkavaldi stovnur í ES, og tingið samtykkir lógir og hevur eftirlit við fíggjarætlanini, sum er meira enn 1.140-milliardir krónur.

Valstríðið hevur í stóran mun snúð seg um Brexit, tilflytarar, lógir fyri arbeiðsmarknaðin og veðurlagsbroytingar.