- Gev Jørgen Niclasen tænastuboð um at Lønardeildin skal taka uppaftur samráðingarnar við Føroya Pedagogfelag, møguliga við hjálp av Semingsstovninum.
Soleiðis ljóðar ein áheitan frá Vága Sambandsfelag til formannin í flokkinum, Bárð á Steig Nielsen, løgmann.
Limafelagið hjá Sambandsflokkinum hevur havt fund orsaka av verkfallinum.
Niðurstøðan á fundinum var, at felagið mælir frá, at løgtingið longu nú fer inn í málið, “tí Sambandsflokkurin hevur altíð virt fakfelagsrørsluna og verkfalsrættin”
Brævið kann lesast her: Virðið fakfelagsrørsluna og verkfalsrættin
Helgi Abrahamsen, landsstýrismaður við arbeiðsmarknaðarmálum, eisini úr Sambandsflokkinum, fer í dag at leggja uppskot fyri løgtingið, sum lóggevur partar av verkfalsraktu pedagogunum aftur til arbeiðis.
Løgtingsfundur, einans við framløgu á skránni, verður í dag klokkan 11.
Vinarliga broyt tínar kennifíla - og privatlívsstillingar fyri at síggja hetta innihald