Valfundur í Hovi 20. august

Týskvøldið 20. august klokkan 19 skipar Demokratia fyri valfundi á Miðnámsskúlanum í Hovi.

Evnið á fundinum er umhvørvispolitikkur, og valevni fyri flokkarnar luttaka. Eisini verður eitt kveikjandi innspæl frá Anniku Bolton Mortensen, journalisti. Høvi verður hjá áhoyrarum at seta valevnunum spurningar.

Orðstýrari er Liljan Weihe.

Kaffi, te og køkur vera eisini at fáa.

Valfundurin í Hovi er annar av trimum valfundunum, sum Demokratia skipar fyri. Tann fyrsti var í Fuglafirði 14. august, og triði og seinasti fundurin verður í Smæruni í Havn 27. august.