Valnevndin í Afghanistan avtikin

Taliban hevur avtikið valnevndina í Afghanistan.

Orsøkin er, sambært talsfólki hjá hernaðarrørsluni, at nevndin, sum hevur til endamáls at eygleiða øll val og fólkaatkvøður, ikki longur er neyðug. Verður nakrantíð mett, at tørvur er á slíkum nevndum aftur, verður hon endurstovnað.

Sambært Halim Fidai, sum var politikari í fyrrverandi afghansku stjórnini, er hetta eitt tekin um, at Taliban er ímóti øllum fólkaræðisligum stovnum.

– Tey komu til valdið við brúk av kúlum, ikki atkvøðuseðlum, sigur hann sambært DR.

Fyri fyrrverandi leiðaranum av valenvndini, Aurangzeb, merkir avgerðin hjá Taliban, at ongantíð verður val aftur í landinum.