Vandamikil rakett seld í Føroyum

Sikkerhedsstyrelsen í Danmark hevur víst á eina vandamikla rakett, sum eisini er seld í Føroyum.

Hesum boðar løgreglan frá, sum eisini hevur tosað við flestu innflytararnar av fýrverki til Føroya um trupulleikan.

Hesir steðga søluni av rakettini nú, verður sagt.

Vandamiku rakettirnar eita "Outcast Missilraketter" og hava vørunummarið 331.6020 og batchnummarið 201150-18.