Vann 40.000 krónur til ommu sína

Tað eydnaðist Jónfríð Johannesen at vinna ommu síni, Fíu Johannesen, 40.000 krónur í Gekkinum í kvøld.

Jónfríð ringdi inn sum fjarritari fyri ommu sína, og valdi at deila gekkin, sum í kvøld var ein hálv millión í tríggjar leypar, so 200.000 krónur vóru í hvørjum.

Í øðrum snari lendi hon á 20.000 krónum, og hetta varð faldað við tvey, sum gav henni 40.000 krónur.

Ikki so galið eitt fríggjakvøld í november.

Næsta fríggjakvøld verður Gekkurin 600.000 krónur.