Varðhaldsfongslaður fram til 28. juli

22 ára gamli maðurin, sum er skuldsettur fyri at hava dripið tríggir persónar og roynt at dripið sjey onnur í sølumiðstøðini Field's í gjár, varð grundlógaravhoyrdur seinnapartin.

Maðurin skal varðhaldsfongslast fram til 28. juli. Og hann skal flytast á afturlatna psykiatriska deild, so skjótt har er pláss, avgjørdi ein dómari í býarrættinum í Keypmannahavn eftir ein tveir tímar langan rættarfund.

Sambært dómaranum er orsøk til at halda, at maðurin er sekur, og eisini er orsøk at stúra fyri, at hann, verður hann leyslatin, fer at fremja líknandi brotsverk og fer at ávirka kanningararbeiðið.