Varðhaldsfongslaður í 14 dagar

Ein útlendskur arbeiðsmaður fekk varðhaldsfongsling í 14 dagar, tá hann varð grundlógaravhoyrdur í Føroya rætti í gjár, upplýsir løgreglan.

Maðurin er skuldsettur fyri grovan harðskap – tað, sum løgreglan nevnir kvalifiseraður harðskapur – fyri at hava knúst eitt glas í høvdið á einum øðrum manni á einum skeinkistaði í Havn.

Hetta hendi um tíggju-tíðina leygarkvøldið.

Órættaði, sum eisini er útlendskur arbeiðsmaður, fekk nakað av skaða.