Varðhaldsfongslaður í fýra vikur fyri hóttanir

Eitt av málunum hjá løgregluni síðsta vikuskifti hevði sín uppruna á Farstøðini mikudagin.

Har vísti ein maður ágangandi framferð mótvegis teimum, ið starvaðust hjá Bil/MiniTaxi. Sambært døgnraporttini hjá løgregluni var maðurin hóttandi og harðligur. Fyri hetta varð viðkomandi handtikin.

Í morgun kundi løgreglan greiða frá, at persónurin hósdagin kom fram fyri ein dómara í Føroya Rætti.

Har varð gjørt av, at maðurin skuldi varðhaldsfongslast í fýra vikur. 

Eftir hetta skal støða takast til, hvat hendir víðari.

Talan er um ein kenning hjá løgregluni, sum eisini hevði rúsandi evni, tá hann varð handtikin.