Várfrágreiðing hjá Búskaparráðnum løgd fram hósdagin

Hósdagin 29. februar verður várfrágreiðingin hjá Búskaparráðnum løgd fram.

Framløgan verður í Varpinum í Klaksvík klokkan 10.

Búskaparráðið hevur til uppgávu at fylgja við búskaparligum viðurskiftum í landinum, og at koma við óheftari búskaparligari ráðgeving og frágreiðingum um búskaparligu gongdina.

Limir í Búskaparráðnum eru Fróði Magnussen, cand.merc., formaður; Jan Otto Holm, cand.merc. innan fígging og roknskap; Sanna Laksá, PhD í búskaparfrøði; Helena Andreasen, cand. merc.aud; og Johnny í Grótinum, cand. polit.