Veðrið darvar eisini flogferðsluni

Tríggjar komur og tríggjar fráferðir skuldu upprunaliga vera til/frá Vága Floghavn í dag, men nógvi vindurin ávirkar føroysku flogferðsluna.

Bæði á atlantic.fo og á fae.fo verður upplýst, at fýra av teimum seks túrunum eru avlýstir.

Talan er um ætlaðu fráferðirnar til Oslo og Keypmannahavnar í morgun, og um flogførini sum skuldu koma aftur úr júst somu støðum stutt eftir døgurða. 


Skíggjamynd: atlantic.fo

Sum sæst omanfyri, so standa tveir túrar - til og úr Keypmannahavn - framvegis á skemanum. So er bara spurningurin, um veðrið verður so mikið nógv betri, at tað fer at bera til.