Ingi Samuelsen
Verjumálaráðharrin í suðurkoreansku stjórnini, Kim Yong-hyun, legur nú frá sær, og verður avloystur av Choi Byung-hyuk, sum hevur verið landsins sendiharri í Saudi Arabia.
Tað upplýsir forsetaskrivstovan í Seul í dag, sambært Reuters tíðindastovuni.
Uppsøgnin hjá Kim Young-hyun hendir, eftir at hann í gjár bjóðaði sær at leggja frá sær, orsaka av at suðurkoreanski forsetin, Yoon Suk-yeol sama dag hevði lýst hernaðarliga undantaksstøðu í landinum, skrivar Reuters.
Hetta fekk landsins innanríkisráðharra, Lee Sang-min, til at skuldseta verjumálaráðharran fyri at hava heitt á Yoon forseta um at lýsa hernaðarligu undantaksstøðuna, ið varð tikin aftur bert tveir tímar seinni.
Undantaksstøðan varð sett úr gildi aftur, tá tað eydnaðist limum í tjóðartingin við atkvøðugreiðslu at forða fyri henni, skrivar Ritzau.
Vinarliga broyt tínar kennifíla - og privatlívsstillingar fyri at síggja hetta innihald