Vestmanna sløkkilið- og bjargingarlið havt tólv starvsdagar

- Gott samanhald og góðar umstøður at virka í ger, at fólk eru so leingi partur av sløkki- og bjargingarliðnum.

Tað sigur Tóki Seloy, brunaumsjónarmaður við heimasíðuna hjá Vestmanna kommunu. Hetta er í sambandi við, at kommunan hevur heilt nógvar mans, sum hava verið drúgvir í tænastuni.

Um vikuskiftið vóru starvsdagar hátíðarhildnir hjá Vestmanna sløkki- og bjargingarliði. Ikki færri enn 12 fólk hava havt starvsdag. Hetta varð markða fríggjakvøldið, har tunnusláttur eisini var á skránni.

Sára Jógvansdóttir, borgarstjóri, handaði teimum takkargávu fyri trúfesti og dugnaskap.

Starvsdagarnir vóru hesir:

45 ára starvsaldur – Niels Thomas Pedersen

35 ára starvsaldur – Jógvan Sigurd Hórðará

30 ára starvsaldur – Helgi Finn Poulsen, Marner Seloy og Jónfinn Egilsnes

25 ára starvsaldur – Jónolvur Andreasen, Rodmund Andreasen, Martin Hansen og Johnny Joensen

20 ára starvsaldur – Ingdor Klein Olsen

15 ára starvsaldur – Jákup Martin á Válinum og Høgni Johansen

Vestmanna sløkki- og bjargingarlið telir 20 mans í aldrinum 30 til 70 ár.