Við rúkandi ferð í Norðoyatunlinum: Misti koyrikortið á staðnum

Ein bilførari hevði stóran skund í nátt, tá hann koyrdi í Norðoyatunlinum. Tað var um eitt tíðina, at løgreglan tók ein bilførara fyri at koyra 167 km/t.

Hann misti koyrikortið á staðnum, og má tískil upp í nýggja koyriroynd. Føroya rættur skal avgera, hvussu leingi viðkomandi missir førararrættin.

Bótin í slíkum førum liggur um 5000 krónur, upplýsir vaktleiðarin á løgreglustøðini í morgun.

Viðkomandi var einsamallur í bilinum, og hann fekk tískil loyvi at seta bilin frá sær við Skúlaheimið í Klaksvík, so hann ikki stóð til fortreð í tunlinum.