Video: Løgreglan sóknast eftir upplýsingum um hendan bardagan

Løgreglan vil fegin frætta frá fólki, sum sóu nakrar hendingar í miðbýnum í Havn sunnunáttina.

Tað var sunnumorgunin umleið klokkan 03:30, at tríggjar samanhangandi hendingar í miðbýnum í Tórshavn, viðførdu trý harðskapsmál. 

Fyrsta hendingin var í Basecamp og viðførdi eina hending uttanfyri Pizza King og endar við springvatnið í gongugøtuni, har hendan upptøkan er frá. Alt fór fram upp á stutta tíð, sigur løgreglan.

Politiið vil hoyra frá fólki, sum sóu hesar hendingar, ella hava upplýsingar um hendingarnar. Ringjast kann á telefon 114.

Vit skulu gera vart við, at myndirnar í uppøkuni kunnu tykjast ógvusligar.