Video: Nólsoyingar heilsa Jósupi vælkomnan

Tað var sonn frøi á bryggjuni í Nólsoy í kvøld. Í allan dag hevur eingin almennur fartur av og til oynna, og tí hava nólsoyingar roynt sum frægast sjálvir at sloppið aftur og fram til arbeiðis og onnur ørindi á meginlandinum.

Men í kvøld tók Strandferðslan siglingina til Nólsoyar upp aftur, og tá Jósup kom inn um bátahylin fyri løtu síðani stóðu nólsoyingar klárir og veittraðu við fløggum og heilsaðu bátinum vælkomnan.

Sí herligu løtuna, sum Jens Mortan Ramussen fangaði, omanfyri.

Orsøkin til, at Jósup ikki hevur siglt í allan dag er, at nólsoyingar í gjár skipaðu fyri einum mótmælistiltaki, har teir “hertóku” Ternuna, nú hon í tvær til tríggjar vikur skal røkja Sandoyarleiðina. Strandferðslan metti tað tí ikki vera trygt at sigla út til Nólsoyar. Tað er tað eftir øllum at døma nú.