Uttanlands

Video: Rúmdarfarið í Cupertino

Høvuðsskrivstovan hjá Apple er trettan ferðir størri enn Glasir, og kostaði 32 millardir krónur at byggja

2020-09-26 19:11 Author image
Sverri Egholm
placeholder

Tað líkist einum rúmdarfari, men talan er um skrivstovuna hjá einum av heimsins virðismiklastu fyritøkum.

Apple Park er heitið á høvuðsskrivstovuni hjá KT-risanum Apple, sum vit kenna fyri millum annað iPhone, iPad og Mac.

Bygningurin stendur á einum ovur stórum grundøki í býnum Cupertino, California í USA, nærhendis San Francisco, og hevur skap sum ein stórur ringur.

Stóri ringurin er úr glasi og er í fýra hæddum, húsar fleiri enn 12.000 starvsfólkum og er 260.000 fermetrar til støddar.

Til samanberingar er høvuðsbygningurin í Apple Park, sum annars telur aðrar bygningar eisini, trettan ferðir størri enn Glasir í Marknagili, sum er 19.500 fermetrar til støddar.

Apple Park kostaði fimm millardir dollarar at byggja, 32 millardir danskar krónur, og stóð liðugt í 2017.

Sí video omanfyri, sum Tech Vision hevur gjørt, um høvuðsskrivstovuna hjá KT-risanum.

placeholder
placeholder