Víkingur í summarfrí ovast á stigatalvuni

Víkingakvinnur vunnu í dag 1-0 á nærmasta kappingarneytanum í bestu kvinnudeildini, og harvið endar Víkingur ovast á stigatalvuni, nú deildin fer í summarfrí.

Tað var Jensa Tórolvsdóttir, sum skoraði einsamalla málið hjá Víkingi og tryggjaði liðnum í Eysturkommunu øll trý stigini.

Víkingur er á odda í deildini við 29 stigum. KÍ er á øðrum plássi við 25 stigum, men kann detta niður á triðja pláss um NSÍ vinnur næsta dyst. NSÍ hevur 23 stig á triðja plássi.