Japanski sendiharrin Manabu Miyagawa vitjaði á ráðhúsinum í Havn í morgun, har Heðin Mortensen, borgarstjóri, tók ímóti. Jóan Petur Hentze, trivnaðarstjóri, hevði framløgu um mentan og vinnu í Havnini og í Føroyum sum heild.
Aftaná var prátað um samskifti innan bæði mentan og vinnu. Áhugin er serliga stórur innan maritima vinnu sum heild. Sendiharrin beyð eisini Heðini Mortensen, borgarstjóra, at vitja í Japan komandi ár.
Vitjanin frá japonsku sendstovuni endar nú og ferðalagið hevur vitjað ymsastaðni í Føroyum. Eisini hava tey verið við til japanska filmsfestivalin og til hátíðarhald í sambandi við útgávuna av japansk-føroysku orðabókini.
Vinarliga broyt tínar kennifíla - og privatlívsstillingar fyri at síggja hetta innihald