Vilhelm Johannesen farin

Fyrrverandi tingmaðurin og landsstýrismaðurin fyri Javnaðarflokin, Vilhelm Johannesen, Klaksvík, doyði í gjár, pálmasunnudag, 79 ára gamal.

Vilhelm Johannesen var fyrstu ferð valdur á ting í 1980 og sat á tingi fram til 2008. Hann var landsstýrismaður í tveimum skeiðum, frá 1979-81 tá hann røkti heilsu-, almanna-, ídnaðar- og løgmál, og so aftur frá 1985-89, tá hann umsat ídnaðar- og løgmál og seinni ídnaðar- og arbeiðsmarknaðarmál. 

Starvsleið hansara var innan +ostverkið, har hann eisini var útbúgvingarleiðari og so stóð hann eisini fyri bókaútgávuni av søguni um Postverk Føroya, “Postur í Føroyum 1870-2000”. Og so var hann eisin ábyrgdarblaðstjóri á Sosialinum frá 1972 til 1979.

Fyrrverandi løgmaðurin, Aksel V. Johannesen er yngsta barnið hjá Vilhelm og konuni Johild. Hini børnini eru Líggjas, Signhild, Betuel og Ragna. 

Feðgarnir Aksel og Vilhelm Johannesen (Savnsmynd: Jens Kr. Vang)