Mentan

Vinaliga - bókaframløga í Løkshøll

Brævaskiftið millum William og Jørgen-Frantz savnað í nýggjum bókaverki

2019-06-05 15:04 Author image
Tíðindaskriv
placeholder

Leygarkvøldið verður forkunnug bókaframløga í Løkshøll í Runavík. Talan er um drúgva brævaskiftið millum vinmenninar William Heinesen og Jørgen-Frantz Jacobsen, ið Sprotin gevur út.

Útgávan, sum nevnist ”Vinaliga”, fevnir um stívliga 1200 síður í tveimum bindum í prýðiligum húsa. Eitt sjaldsama fínt íkast í føroyska mentasøgu. Allir tankar og kenslur, teir høvdu, alt tað, teir høvdu upplivað og ætlaðu sær. Alt hetta kemur nú út í bók, og tað fara Bergur Djurhuus Hansen og Jógvan Isaksen at práta um.

Tórbjørn Jacobsen, borgarstjóri, fer at greiða frá ættarbondum hjá Jørgen-Frantz á Skálafjørðinum og fyrimyndum og íblástri til kendu skaldsøguna Barbaru, ið er fingið haðan.

MARIUS spælir og syngur á tiltakinum.

Bókaverkið verður selt fyri serligan framløguprís hetta kvøldið. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder