Alda Nielsdóttir
Ein mynd av einum manni, sum tveitir burturkast beinleiðis í ánna, meðan eitt reingerðarfólk stendur og hyggur at, hevur vakt ans í Indonesia.
Sambært B.T. er hetta heldur ikki so løgið. Áirnar í Indonesiska høvuðsstaðnum, Jakarta, eru so fullar av burturkasti, at tær líkjast einum ruskplássi heldur enn áum og í Indonesia er tað nevniliga heilt vanligt, at fólk brúka áirnar sum eina aðra ruskspann.
Maðurin tveitti burturkastið í ánna 30. januar, og longu dagin aftaná var hann eyðmerktur. Maðurin fekk eina bót uppá tað, sum svarar til 190 av okkara krónum fyri at bróta lógina um burturkast.
- Hetta er eitt dømi um nakað, sum ikki eigur at henda nakrastaðni á jørðini. Ein ironisk gerð. Ein maður, sum tilvitað stoytir sítt burturkast í ánna, meðan eitt reingerðarfólk stendur og hyggur at, stóð undir myndini, sum gjørdist viral á Instagram.
Nógv fólk í Indonesia brúka enn áirnar sum ruskspann.
Vinarliga broyt tínar kennifíla - og privatlívsstillingar fyri at síggja hetta innihald