Nú er greitt, nær virðislønir M. A. Jacobsens og Barnamentanarheiðursløn Tórshavnar býráðs fyri 2022 verða latnar.
Tórshavnar kommuna skrivar á heimasíðu sínari, at handanin verður í Múllers Pakkhúsi 20. oktober klokkan 17.
- Byrjað verður við at kórið Silvitni syngur tveir sangir. Annfinn Brekkstein, formaður í mentamálanevndini, bjóðar vælkomin, og síðan handar Heðin Mortensen, borgarstjóri, virðislønirnar.
Talan er um M. A. Jacobsens virðislønir fyri fagrar bókmentir og fyri mentanaravrik, , umframt Barnamentarnarheiðursløn Tórshavnar býráðs, skrivar torshavn.fo, og lagt verður afturat, at aftaná handanina syngja Bollarnir tveir sangir, áðrenn bjóðað verður til ein drekkamunn á miðhæddini.
Vinarliga broyt tínar kennifíla - og privatlívsstillingar fyri at síggja hetta innihald