Vísindavøka á ferð byrjar á Klaksvíkar Bókasavni

Vísindavøka á ferð verður í ár í tíðarskeiðnum 11. til 20. september. Á skránni eru tilsamans fimm tiltøk, og tað fyrsta verður í kvøld.

Vísindavøkan á ferð byrjar á Klaksvíkar Bókasavni klokkan 19.  Á skránni verða tríggjar framløgur, umleið 20 minuttir hvør, við granskarum frá ymsum granskingarstovnum:

• Hjálmar Hátún frá Havstovuni fer at tosa um El Niño og føroyskt havklima.
  
• Kirstin Eliasen frá Fiskaaling fer at tosa um Sjósíl í Føroyum.
  
• Ann Sølvia Selmarsdóttir Purkhus frá Tjóðsavninum fer ar tosa um Grevsturin við Borðoyarvík
  

Hini tiltøkini verða í Runavík, Sørvági, á Sandi og í Vági. Á hvørjum tiltaki verða tvær ella tríggjar framløgur, umleið 20 minuttir hvør, við granskarum og øðrum frá ymsum stovnunum.

Skráin fyri Vísindavøkuna á ferð sæst her.