Alda Nielsdóttir
Í gjár fekk Walt Disney- samtakið nýggjan forstjóra, eftir at Bob Iger, sum hevði verið í forstjórasessinum síðan 2005, valdi at gevast.
Hesum boðaði Disney frá í gjár, sambært Ritzau.
Bob Iger fer, inntil sáttmáli hansara gongur út 31. desember í 2021, at virka sum nevndarformaður, og fer hann at savna seg um at menna tann kreative partin av virkseminum hjá Disney, sigur hann.
Eftirmaðurin hjá Bob Iger, Bob Chapek, tók við sum forstjóri í gjár. Hann hevur seinastu tíðina verið nevndarformaður fyi Disney Parks.
Bob Iger hevur arbeitt hjá Walt Disney-samtakinum í 45 ár og var forstjóri í 15 ár. Nýggi forstjórin, Bob Chapek verður sjeyndi forstjórin í næstan 100 ára langu søguni hjá Walt Disney-samtakinum.
– Eg eri sera errin og eyðmjúkur um at gerast forstjóri í, eftir mínum tykki, besta samtakium í heiminum. Bob Iger hevur gjørt Disney til ta mest hámettu og væleydnaða miðla- og undirhalsfyritøkuna, sigur nýggi forstjórin sambært CNN.
Vinarliga broyt tínar kennifíla - og privatlívsstillingar fyri at síggja hetta innihald