Yrkisfelagið Miðnám: Formaðurin og næstformaðurin afturvaldur

29. januar var aðalfundur hjá Yrkisfelagnum Miðnám, ið er felagið fyri miðnámsskúlalærarar.

Á skránni var m.a. stýrisval, har bæði formaðurin, Olgar Danielsen, og næstformaðurin, Búgvi Poulsen, stóðu fyri vali. Báðir vórðu afturvaldir.

Stýrið í felagnum hevði fund í gjár, og avgjørdi tá at skipa seg eins og seinast. Sostatt heldur Olgar Danielsen fram sum formaður, og Búgvi Poulsen heldur fram sum næstformaður.

Stýrið er mannað soleiðis:

• Olgar Danielsen, formaður
• Búgvi Poulsen, næstformaður
• Vónbjørt Tróndheim, skrivari
• Høgni av Skarði, kassameistari
• Birna Heinesen, stýrislimur
• Magni Høgnesen, tiltakslimur