Yvir 5.000 harur skotnar higartil í ár

Tá vikan er av, so er harutíðin eisini av. Fimm dagar eru nú eftir at skjóta í, og í gjár varð staðfest, at talið av skotnum harum í ár er omanfyri 5.000.

5.026 harur eru skrásettar. Veruliga talið er hægri, tí ikki allir túrar eru skrásettir. Tí verður nú heitt á harumenn um at skráseta túrarnar á heimasíðuni haran.fo. Í fjør var samlaða talið 5.927 harur.

Vestmanna roynist best

Tilsamans eru 411 túrar í 146 høgum kring landið skrásettir higartil. Tveir hagar við Vestmanna eru í topp-trý:

- “Dalhagi – Eystaripartur” í Vestmanna  - 190 harur á 3 túrum

- “Fjallið” í Vestmanna  - 143 harur á 6 túrum

- “Norðurtriðingur - Uttanfyri Ánna” í Sørvági - 130 harur á 7 túrum


Her sæst hvussu nógv er skrásett í hvørjum einstøkum haga fram til 22. desember 2020 (Mynd: Eyðfinn Magnussen)


Á stabbamyndini her sæst, hvussu nógv er skotið tey ymisku árini frá 2012 (Mynd: Eyðfinn Magnussen)