Yvir 66 prosent eru nú koppsett fyri koronu

Nú eru tilsamans 67.049 koronakoppsetingar gjørar í Føroyum. 35.333 fólk hava fingið fyrru koppsetingina, og 31.716 fólk hava fingið seinnu koppsetingina og eru liðugt koppsett.

66,2 prosent av fólkatalinum í Føroyum – nærum tveir triðingar – eru nú koppsett fyri koronu, og 59,4 prosent eru liðugt koppsett, skrivar corona.fo.

Í gjár var aftur skipað fyri støkk inn-koppseting á øllum trimum sjúkrahúsum, og í gjár vórðu 1.112 fólk koppsett. 246 fólk fingu fyrru koppsetingina, og 866 fólk fingu tað seinnu.