2022-08-26 08:50
Ein bilførari var óheppin í gjárkvøldið tá hann koyrdi skjótt í Kaldbaksbotni. Tí ein av bilunum, sum hann yvirhálaði var ein sivilur politibilur, sum síðani koyrdi aftaná.
Tað vísti seg, at bilførarin ikki setti ferðina niður aftaná yvirhálingina, og koyrdi í miðal 112 km/t á einum strekki upp á ein kilometur.
Hámarksferðin í økinum er 80 km/t, og tí missir førarin koyrikortið treytað. Hann má tískil taka nyggja koyriroynd fyri at varðveita koyrikortið.
Vinarliga broyt tínar kennifíla - og privatlívsstillingar fyri at síggja hetta innihald