Zelenskyj luttekur á fundi hjá Norðurlandaráðnum

Týsdagin luttekur ukrainski forsetin, Volodymyr Zelenskyj á ársfundinum hjá Norðurlandaráðnum í Reykjavík.

Tað skrivar heimasíðan hjá Norðurlandaráðnum.

Zelenskyj skal vera gestarøðari og fundast við norðurlendsku forsætisráðharrarnar. Eisini verður felags tíðindafundur í sambandi við setanina.

– Arbeiðið fyri fólkaræði, rættarsamfelagi og mannarættindum er ein týðandi partur av altjóða langtíðarætlanunum hjá Norðurlandaráðnum, og tær fevna eisini um ein sterkan stuðul til Ukraina, sigur Kristina Háfoss, stjóri í Norðurlandaráðnum sambært heimasíðuni norden.org.