– Kina hevur ikki sent vápn til Russlands

Í farnu viku bórust tíðindini um, at Russland hevði biðið Kina um hernaðarhjálp, og úr Hvítu Húsunum í USA verður ávarað um, at tað fær avleiðingar fyri Kina, um tey senda vápn til Russlands at brúka í krígnum móti Ukraina.

Russland hevur áður víst aftur, at landið hevur biðið Kina um nakra hernaðarhjálp, og kinesiski sendimaðurin í USA, Quin Gang segði í gjár sambært Ritzau, at Kina ikki hevur sent vápn til Russlands.

– Tað, sum Kina ger, er at senda matvørur, heilivág, soviposar og barnamat, ikki vápn, sigur hann.

Eisini sigur hann, at Kina framhaldandi ynskir at virka fyri friðarsamráðingum og biðja um vápnahvíld.