– Náttin hevur verið friðarlig

Seinasta náttin hevur verið púra friðarlig, sigur løgreglan. Men seinnapartin í gjár vórðu tvey mál skrivað.

Løgreglan varð boðsend til ein bústað í høvuðsstaðnum í gjár í sambandi við húsaófrið. Talan er um eitt møguligt harðskapsmál, sigur løgreglan, sum ikki upplýsir meira í málinum.

Í gjár varð ein bilførari eisini tikin fyri rúsdrekkakoyring. Tað var í Eysturoynni.