Tíðindaskriv
- Tað er ongin loyna, at kringumstøður við Biskupstorg ikki hava verið nøktandi. Loysnin, sum nú er vald, umfatar at taka nakað av flísalagnum uppaftur og leggja annað lag á. Samskift hevur verið við veitara um nýggju loysnina, og eftir ætlan, kemur tilfarið til landið innan einar sjey vikur, sigur Gunvá við Keldu.
Grønu økini skulu samstundis raðfestast
Umhvørvis- og býarskipanarnevndin í Klaksvíkar kommunu varð kunnað um, at grønu økini, sum sambært miðbýarætlanini skuldu verða partur av uttanum økinum, somuleiðis verða umfataði av arbeiðinum, ið verður gjørt nú. Peningur er játtaður, og nevndin er samd um, at tann grøni parturin vestanfyri ánna og serliga sunnanfyri brúnna verður gjørdur skjótast gjørligt.
Afturat hesum, verður gongd sett á at rudda úti á sjálvari útfyllingini, so alt økið verður snøggari, sjálvt um tað framhaldandi fer at vera eitt byggipláss í rúma tíð.
Gunvá við Keldu sigur eisini, at málið um eina parkeringsloysn verður viðgjørd í nevndini í september umfarinum.
Klaksvíkar kommuna
Vinarliga broyt tínar kennifíla - og privatlívsstillingar fyri at síggja hetta innihald