Putin játtað at leingja kornavtaluna

Russiski forsetin, Vladimir Putin hevur játtað at leingja kornavtaluna, sum tryggjar, at Russland og Ukraina kunnu útflyta korn og aðrar matvørur umvegis Svartahavið.

Tað sigur turkiski forsetin, Recep Tayyip Erdogan sambært Reuters.

Kornavtalan stóð til at fara úr gildi mánadagin 17. juli, og seinastu dagarnar hevur Putin hótt við ikki at leingja hana.

Avtalan, sum varð fingin í lag í juli í fjør við hjálp frá ST og Turkalandi, tryggjar, at Russland og Ukraina, sum eru millum heimsins størstu kornútflytarar, kunnu útflyta matvørur og forða fyri einari altjóða matvørukreppu.