– Ukraina má verða hoyrt og ikki gloymt

Tað er umráðandi, at Ukraina verður hoyrt og ikki gloymt.

Tað skrivar ukrainski forsetin, Volodymyr Zelenskyj á sosialu miðlunum í kjalarvørrinum á fundinum við amerikanska starvsbróðir hansara, Donald Trump í Hvítu Húsunum í gjár.

– Tað er sera umráðandi fyri okkum, at Ukraina verður hoyrt, og at eingin gloymir tað. Hvørki undir ella eftir krígnum.

– Tað er umráðandi fyri fólk í Ukraina at vita, at tey eru ikki einsamøll. At teirra áhugamál verða røkt í einhvørjum landi, í øllum pørtum av heiminum, skrivar hann sambært Ritzau.

Amerikanski forsetin, Donald Trump skrivar á sín sosiala miðil, Truth Social, at hann ikki heldur, at Zelenskyj er klárur til frið, og at hann ikki vísti amerikanarum virðing undir fundinum friggjadagin.

Les eisini: Zelenskyj og Trump í orðadrátti fyri opnari mikrofon