- Vit fara úr 31. oktober við ella uttan avtalu

Órógvin kring Bretland og ES er stór, og spurningarnir eru nógvir, nú Boris Johnson hevur tikið við sum forsetisráðharri. Næstan beint eftir, at Johnson kom í sessin í seinastu viku, sló hann fast, at bretar skulu úr ES 31. oktober - við ella uttan avtalu.

Les eisini: - Bretland skal úr ES við ella uttan avtalu

Tað eru nú tveir mánaðir til ásetta Brexit-dagin, og hóast Boris Johnson og hansara fólk eru sinnaði til samráðingar við ES um eina avtalu um Brexit, bendir einki á, at dagfestingin verður útsett, um eigin avtala er komin í hús. 

Hetta sló ráðharrin í Brexitmálum, Steve Barclay, fast á Twitter í gjárkvøldið. Hetta var eftir, at Barclay hevði tosað við Michel Barnier, ið stendur fyri samráðingunum hjá ES í Brexitmálinum:

- Eg gjørdi okkara støðu greiða: Eg segði við Barnier, at vit vilja hava eina avtalu, men vit fara úr ES 31. oktober við ella uttan einari