- Vitleyst at stongja landamørk

At Danmark í kvøld valdi at stongja mørkini til landið, er vitleyst, heldur svenski farsóttarfrøðingurin, Anders Tegnell.

- Virusið kann ikki haldast burtur, og at stongja mørkini er vitleyst, sigur hann við Aftonbladet.

Hann leggur afturat at man við hesum bara klárar at seinkað útbrotinum í nakrar dagar ella eina viku.

- Søguliga hava vit eisini sæð, at tað ikki hjálpir, at mørk vera stongd, sigur Anders Tegnell.

Danskir statsborgarar sleppa altíð inn í landið, og harumframt sleppur allur flutningur av gerandisvørum og øðrum inn.

801 fólk í Danmark hava fingið staðfest smittuna, sigur danska heilsumálaráðið.