11.002 kanningar og einki korona

25 kanningar vórðu gjørdar í gjár, og allar kanningarnar vóru negativar.  Eingin nýggjur smittutilburður er staðfestur í Føroyum síðani 22. apríl.

Sostatt hevur eingin fingið staðfest smittu í teimum seinastu 4.732 kanningunum.

Í alt eru nú gjørdar 11.002 koronakanningar. 187 føroyingar hava fingið staðfest coronasmittuna, og allir 187 eru staðfestir frískir aftur.