Agnar Prestá
Millum klokkan 11 og 13 í gjár støðgaði løgreglan nógvum bilførarum, sum tosaðu í telefon á ólógligan hátt.
Hetta merkir, at viðkomandi bilførarar hildu telefonini við aðrari hondini, meðan koyrt varð.
Tað gevur eina bót á 1.000 krónur. í Danmark er revsingin eitt klipp, umframt ein bót, men tað er ikki komið har til enn í Føroyum. Broytingar í ferðslulógini eru tó á veg, og har verður tað "at tosa í hondhildnari telefon" í.
Vatkleiðarin á løgreglustøðini í Havn sigur í morgun, at talan var um 14 slík mál. Øll vóru í høvuðsstaðnum.
Nummarplátur og húsaófriður
Vaktleiðarin segði eisini, at tríggjar nummarplátur vórðu tiknar í Eysturoynni seint í gjárkvøldið. Hetta var vegna ymiskt óregluligt við bilunum.
Nakað av húsaófriði var á einum bústaði í høvuðsstaðnum. Løgreglan fór á staði fyri at mekla.
Vinarliga broyt tínar kennifíla - og privatlívsstillingar fyri at síggja hetta innihald