19-14 til andstøðuna

Sambandsflokkurin og Fólkaflokkurin fáa sambært nýggju veljarakanningini sum Spyr.fo hevur gjørt fyri Blaðið Vikuskifti og Portalin ávikavist 9 og 8 tingsessir.

Triði andstøðuflokkurin, Miðflokkurin, stendur í kanningini til at fáa 5,4 prosent, sum er 1,2 prosentstig minni enn á løgtingsvalinum, men flokkurin varðveir síni tvey umboð á tingi.

Les eisini: Norðoyingar peika á Beinir sum løgmann

Harvið stendur andstøðan til at fáa 19 av teimum 33 sessunum á tingi. Altso enn ein dyggur smeitur fyri sitandi samgongu, sum ikki hevur havt serliga góðar veljarakanningar hesar seinastu mánaðirnar.

Tó so. Seinast Spyr.fo gjørdi veljarakanning fyri betta blað, tað var 9. november, fekk samgongan bert 13 tingsessir ímóti 20 til andstøðuna. Nú er samgongan komin upp á 14 sessir, men framvegis langt fá einum meiriluta á tingi.

Síggj alla veljarakanningina ókeypis í Blaðnum Vikuskifti her