28.060 løntakarar í desember

Vøkstur er framvegis í løntakaratalinum, men tað veksur spakuligari enn tað hevur gjørt.

Hetta skrivar Hagstovan á heimasíðu sínari um nýggjstu tølini fyri arbeiðsmarknaðin.

28.060 løntakarar vóru í endanum av seinasta árið. Vøksturin uppá eitt ár var 600. 


Talva: Hagstova Føroya 

14.600 menn (52 prosent) og 13.450 kvinnur (48 prosent) vóru í løntakaraskaranum í desember:

Á heimasíðuni hjá Hagstovuni sæst løntakaratalið og gongdin í teimum fýra høvuðsvinnugreinunum.