30.000 tons av gróti skulu flytast úr Porkeri komandi tíðina

Um mánaðarskifti februar-mars var stormur, og tað hevði við sær skaðar ymsastaðni í landinum.

29. februar kom stórur skaði á brimverjuna í Porkeri vegna nógva uppgangin. Hetta hevur við sær, at síðani hava stór skip ikki fingið ligið í Porkeri.

Nógv grót úr Porkeri verður nýtt aðrastaðni í landinum. Landsverk hevur heitt á Tvøroyrar kommunu, um at fáa loyvið til at avskipa “Porkeris” grót av Drelnesi í eitt avmarka tíðarskeið, tí at tað ikki ber til avskipa tað úr havnini í Porkeri.

Tvøroyrar kommuna skrivar á heimasíðu sínari, at heili 30.000 tons av gróti, sum millum annað skulu brúkast til liðugtgerð av Eysturoyartunnlinum, skulu av Drelnesi komandi tíðina .

Grótið verður koyrt úr Skørðinum í Porkeri til Drelnes, har grótbáturin M/S Havfrakt tekur ímóti. Hann siglur síðani hetta á Sund.