52 hvalir løgdu beinini í Kollafirði: Seðlarnir koma út klokkan 22

Fyrsta metingin ljóðaði upp á 10 til 15 hvalir, sum løgdu beinini á Oyrareingjum seint seinnapartin.

Men endaliga talið gjørdist væl hægri. Talan var um 52 hvalir, sum vórðu hildnir til á Oyrareingjum.

Skift verður í drápspartar, og seðlarnir koma út á keiini á Oyrareingjum klokkan 22 í kvøld.

Grindin varð funnin í Tangafirði, og rikin inn á Kollafjørð. Sagt verður, at tað eru 40 ár síðani at grind seinast varð hildin til á Oyrareingjum.

(Mynd: Birgir Waag Høgnesen)