70 ár og eldri kunnu bóka tíð til koppseting

Um 1.100 fólk eldri enn 74 ár hava bókað sær tíð til koppseting, síðani bókingarskipanin lat upp aftur eftir páskir. Nú verður aldursmarkið aftur sett niður.

Í gjárkvøldið kom nýggj sending við umleið 4.000 skamtum av koppingarevninum frá Pfizer/BioNTech við flogfarinum, og í dag er koppsetingin tikin uppaftur á teimum trimum sjúkrahúsunum. Væntandi verða eini 700 fólk koppsett í dag.

Nú verður skipanin latin upp fyri øllum, sum eru 70 ár ella eldri. Koppsetingin heldur fram í næstu viku, og so leingi koppingarevni er í landinum.

Til ber at bóka tíð á corona.fo.