Ætla nú at útbyggja kapellið

Í løtuni verður kirkjugarðinum við Velbastaðvegin útbygdur. Fyrst í hesum mánaðinum varð nýggjasti parturin vígdur, og útbyggingin heldur fram.

Tað snýr seg tó ikki bert um fleiri tøk gravpláss. Tórshavnar kommuna skrivar á heimasíðu sínari, at kapellið í kirkjugarðinum við Velbastaðvegin er ov lítið. Ætlanin er tí at byggja út í sama stíli og gera nakrar ábøtur í sambandi við hita og annað.

- Samstundis er farið undir at leggja til rættis eina skipan av kirkjugarðinum, eitt nú planting, sum skapar hugna og lívd, skrivar torshavn.fo.