Allar 155 kanningarnar vóru negativar

Tað nýggjasta nýggja er, at einki nýtt er at frætta. Heldur ikki seinasta samdøgrið er nakar føroyingur smittaður við koronasmittuni.

Hetta vísa nýggjastu tølini frá heilsumyndugleikunum.

155 kanningar vórðu gjørdar í gjár, og allar kanningarnar vóru negativar. Eingin nýggjur smittutilburður er staðfestur í Føroyum síðani 22. apríl. Sostatt hevur eingin fingið staðfest smittu í teimum seinastu 4.593 kanningunum.

Mánadagin lata landamørkini upp í størri mun, so tað verður trupult at halda nullið næstu tíðina.

Í alt eru 10.863 kanningar gjørdar.