Áminning frá Tórshavnar kommunu: Minnist til at brúka masku í bussinum

Smittutrýstið í okkara grannalondum er stórt í løtuni, og øll smitta, sum er staðfest í Føroyum í seinastuni er komin til Føroya uttanlands frá.

Tórshavnar kommuna heitir í hesum sambandi enn einaferð á borgarar um at minnast til at brúka masku, tá tey brúka Bussleiðina.

– Tað er eyðsýnt, at fólk kunnu koma til Føroya, verða testað negativ, men eru positiv, tá tey verða testað á sætta degi. Ein tílíkur persónur kann hava brúkt Bussleiðina hvønn dag fram til og við sætta dag - og hava smittað onnur, um ikki øll fyrilit eru tikin.

Eisini ger kommunan vart við, at bussførarar hava heimild at nokta teimum atgongd, sum ikki brúka masku.