Arbeiðsóhapp á Fútakletti

Í gjárkvøldið um 18.30-tíðina fekk løgreglan fráboðan um eitt arbeiðsóhapp á Fútakletti.

Hetta var tætt við smoltstøðina við Oyragjógv - í einum alibáti.

Vaktleiðarin á løgreglustøðini í morgun kundi ikki siga nágreiniliga, hvat var hent og hví. 

Greitt er tó at ein persónur fekk skaða, og at viðkomandi varð fluttur á Landssjúkrahúsi við sjúkrabili.

Har vóru ongar nýggjar upplýsingar um støðuna í morgun, men slíkt skal kannast nærri.