Arbeiðsvanlukka á Viðareiði kravt mannalív

Ein arbeiðsvanlukka á Viðareiði hevur seinnapartin kravt eitt mannalív.

Talan er um ein mann, sum arbeiddi við eini lyft og kom í klemmu millum lyftina og bilin, sum lyftin var á, boðar løgreglan frá í tíðindaskrivi.

Løgreglan og arbeiðseftirlitið eru ikki liðug við kanningarnar enn, og eru tí ikki fleiri viðmerkingar til málið, verður sagt.